فضايح

اللي بيحصل عندنا في مصر في الانتخابات فضايح أولا لازم يكون في اعتقلات لمرشحي المعارضه خصوصا الاخوان

ثانيا التضييق على مرشحي المعارضه من تقديم أوراق الترشيح وعدم قبولها الا بحيل يبتكرها اصحاب هذه الاوراق

ثالثا تمزيق لافتات المرشحين المعارضين للحزب الحاكم والتضييق عليه في المسيرات وضرب وسحل كل مؤيديه حتى

لو كانوا أساتذة جامعة لا فرق عند الامن المهم انه يؤيد المعارضه يبقى لازم يتأدب وكل ده قبل اليوم الموعود اللي هو يوم الانتخابات

بيقى يوم عصيب على أنصار مرشحي المعارضه لأن الأمن المركزي بيحيط مكان الاقتراع وأي واحد من أنصار مرشح المعارضة

الأمن يعرف هويته يمنعه من الإدلاء بصوته دا بعد الضرب وتمزيق الملابس وغيرها من الاساليب التي يتخذها رجال الامن ضد

الناخبين وبعد كده في مرحلة الفرز التليفونات بتشتغل والضغط على القضاة يبدأ وتنتهي العمليه بتزوير النتائج لصالح مرشح الحزب

اللا وطني والنهايه الحزينه لمرشحي المعارضة وانصارهم

هي دي الحياه السياسيه في مصر تعب قلب في الفاضي ووجع دماغ وخلاص ومفيش فايده الحكومه بتاعتنا غبيه اوي والريس دكتاتور

وماسك في الكرسي بإيديه وسنانه ومش في دماغه اللي الإعلام المستقل بيقوله وبينشره خلاص بقت عيني عينك واللي

يقدر على حاجه يعملها بس خدوا بالكوا رجالة حبيب العادلي صاحيه أمال هما عاملين المعتقلات لمين أكيد

مش للمجرمين والحراميه لا دي للشرفاء

عالتعليم وسنينه

بصراحه مش عارف أكتب عن ايه و الكتاب والمدونين كتبوا عن كل حاجه في البلد
ومفيش فايده يعني اللي احنا بنعمله ده من غير فايده بس هنعمل ايه أدينا بنعبر عن
اللي جوانا وخلاص أحسن ما نموت من الغيظ ونطق من اللي الحكومه بتعمله فينا
في الاول فكرت اكتب عن البطاله لقيت ان كل جرايد المعارضه مكتظه بالملفات و
المقالات اللي بتتكلم عن الموضوع ده والحوادث والجرائم المترتبه على موضوع
البطاله في صفحات الحوادث كل يوم قلت سيبك من الموضوع ده واكتب في موضوع تاني
أول حاجه فكرت فيها هي التعليم اللي وصل الشباب للبطاله أيوه التعليم في مصر كده
نتعلم اكتر من 17سنه عشان نقعد في الشارع والقهاوي ومفيش برده حل لموضوع التعليم
اللي كل يوم حالة التعليم تزداد سوء بس هنعمل ايه طالما اللي ماسكين زمام الامور ناس
معندهمش ضمير وأهم حاجه عندهم المنصب والمال والجاه ولا بيفكرو في الشعب المطحون
ولا الشباب اللي مش لاقيين فلوس حتى يقعدوا بيها عالقهاوي هتقوللي بيقعدوا عالقهاوي ليه
هقوللك اصلهم مايقدروش يقعدوا في البيت لان الاب والام زهقوا من كلمهة يابني روح شوفلك
شغلانه ياابني انت هتفضل قاعد كده على طول عشان كده الشاب مننا بيخرخ عشان يهرب من
السخط الي عليه من قلة الشغل طيب هو هيعمل ايه مش لاقي شغل
هو ده الحال اللي وصل اليه الشباب التعليم زباله مش مأهله انه يشتغل وأصلا لو اخد كورسات
الشباب كلهم بيخدوا كورسات وكله في الفاضي هيه كد نحس مفيش مخرج للمأزق اللي احنا فيه
واحد يقوللي ايه التشاؤم ده أقوله هو ده الللي بيحصل فعلا والله ده حصل معايا اتخرجت من الكليه مش
اي حاجه بدأت في الكورسات لقيت كل الناس كده واخدين كورسات وبرده مش لاقيين شغل
هنعمل ايه بس في اللي بيحصل ده الوضع ده هيتغير امته وازاي ومين اللي هيغير وبأي طريقه
عايزين حل مجرد أمل حتى في تطوي للوضع اللي البلد فيه
اللي بيحاول يتكلم عن الفساد في البلد بيخرسوه واللي بيقاومه بيعتقلوه واللي بيكتب عنه بيتلفق له قضايا كتيره
واحنا كلنا عارفين اللي اعتقلوا بسبب نشاطهم السياسي ويا ريت على حد الاعتقال ده بيتخرب بيته كمان
هييييييييييييييييييييييييييييه يا مصرلسه بعد كده ايه

امته الناس تفووووووووووووووووووووووووووووووق

سؤال وجيه أبدأ بيه كلامي هو امته الناس تفوق؟ بس بصراحه مفيش حد جاوب على السؤال ده لدلوقتي

طيب الناس هتفوق ليه وعشان ايه ياعم خليهم في اللي هما فيه شايلين هم العيال والمصاريف والاكل والشرب

وجاي تقوللي امته الناس تفوق طيب وبعدين ايه الحل في اللي بيحصل ده الظلم ده نهايته ايه الحكم الاستبدادي

ده مكتوب علينا خلاص مش هيتغير الناس هتفضل كده لامته الناس هتفضل قاعده في بيوتها كده وحاسين بالقهر

والظلم ومش بيتكلمواوبعدين مين اللي هيغير الاخوان واللا كفايه واللا غيرها طيب الناس اللي في كفايه والاخوان

دول هيغيروا لوحدهم واللا عايزين الشعب معاهم بس هو الشعب المصري كده عايز فصيل معين يتبنى التغيير

والشعب يقف معاه بس الفصيل ده يبقى مين الاخوان واللا احزاب المعارضه واللا الحركات الشعبيه زي كفايه

وغيرها مين اللي يصلح للمهمه دي ...لازم الفصائل كلها تتحد وتتفق على الاخذ بيد الشعب المصري الذي لو وجد الصدق في اي شخص يتبنى مهمة

الاصلاح لالتف حوله وضحى بكل غال وثمين من أجل ان ينال الحريه والشعب المصري خبره في موضوع الثورات بس عايز زعيم يمشي وراه بس فين الزعيم ده امته ييجي امته نشوف الشعب المصري بيتحرك وبيطلب حقه من الحكومه

الشعب مستني ايه اكتر من كده الغلاء وغرقان فيه والمرتبات طبعا متأكلشي عيش حاف المواصلات زباله وزحمه موووووووووووووووووووت ودي لوحدها جهاد كل يوم الموظف بيركب أتوبيس زحمه جدا وهو رايح الشغل وهو جاي وبيجاهد نفسه هيعمل ايه يعني وعشان يروح البيت ساعتين عالاقل من زحمة المواصلات وفشل الشرطه في ادارة المرور طيب لسه ايه الشعب عايزه بعد كده الاعتقالات كل يوم لرموز السياسه والاخوان وكفايه وغيرهم الكثير أكثر من عشرين ألف معتقل في السجون المصرية ولا يوجد من يتحرك لانقاذ هؤلاء المعتقلين من غياهب السجون حتى معتقلي الاخوان الحماعه نفسها لم تحرك ساكنا من أجل الشاطر ومن معه كذلك أيمن نور زعيم حزب الغد الحزب عمل مظاهرتين في بداية السجن وبعد كده ناموا مش عارف في ايه يا ناس عايزين هوووووجه مظاهره جامده عايزين عصيان مدني عايزين نرفض الذل بقى امته نتحرك يا ناس

ما تفوقوا يا عالم ما تفوقوا كفايه مراره وبندوقو من غير الاسلام وطريقه ما في حد هيرجع له حقوقهايوه هو الاسلام هوالطريق الوحيد للخلاص من اللي احنا فيه و اللجوء الى الله هو الحل للخروج من الاستبداد والظلم فهو قادر على كل متكبر في الارض فندعوه جميعا أن يفرج عنا ما نحن فيه

امته الناس تفووووووووووووووووووووووووووووووق

ثقافة الهجوم

في هذه الايام اشتد الهجوم على الداعيه الاسلامي الكبير عمرو خالد وفيه افتراءات على هذا الرجل المرموق والداعيه الجميل الذي حقق بفضل الله ما لم يحققه غيره من الدعاه الأصوليين والمتشددين في جذب الشباب الى العمل الاسلامي والتنميه بالايمان وساهم بشكل كبير في صناعة الحياه للشباب العربي المسلم فهل فكر هؤلاء المغرضون يوما ان يبذلوا واحد على مليون من الجهد الذي يبذله عمرو خالد في الدعوه الى الله والى حث الشباب للعمل بالايمان فهذا الداعيه كلما لمع نجمه وزادت شهرته يحقد عليه من ليسو اهلا للنقد لانهم يفتقدون قواعد النقد البناء ويحس القاريء لمقالاتهم او آرائهم بالغل يملأ قلوبهم من سطوع نجم هذا الداعيه العملاق فأنا أقول لهم من مكاني هذا مـــــــــــــوتوا بغيظكم فكلما زاد الهجوم على عمرو خالد يزداد تألقا ويبرع في اختراع أفكار جديده يوضحها للعالم الاسلامي فهل يوجد داعيه شرح سيرة المصطفى بهذه الطريقه العمليه من قبل وهل يوجد داعيه قام بعمل برنامج تنموي مثل صناع الحياه ................ ماذا تقولون ومن تنتقدون
أتنتقدون وتهاجمون من أثر في الشباب و أبعدهم عن التدخين والمخدرات ام تنتقدون من يروي لكم قصة حياة المصطفى بطريه رائعه لا يمل منها أحد كباقي الدعاه عودو الى رشدكم واعرفوا جيدا عمن تتكلمون
وسلام الى عمر خالد الداعيه الاسلامي العالمي